Lontar Madura

Arach Djamali,(almarhum) lahir di Sumenep tanggal 15 Pebruari 1939, dengan nama Abd. Rachem.  Hidup bersama seorang istri, lima anak dan enam cucu menurutnya cukup memberikan kebahagiaan tersendiri, karena paling tidak “amanah” yang ia jalankan selama pengabdiannya sebagian telah dilaksanakan.

Sastrawan yang dikenal sebagai budayawan Madura, dalam percaturan bahasa dan sastra Madura, bukan orang baru lagi. Selain menulis puisi berbahasa Madura, juga cerita  serta sebagai redaktur dan pengasuh rubrik Apresiasi sastra Bulletin “Konkonan” di Sumenep, yang diterbitkan oleh Tim Nabara (Pembina Bahasa Madura), mengulas tentang tembang, jeng-kejungan, saloka dan berbagai puisi Madura lainnya (lisan dan tulis).  Selain itu juga mengisi siaran acara pembinaan bahasa Madura di RRI Sumenep, serta sering ditunjuk sebagai nara sumber di sekolah-sekolah dan perguruan  tinggi dan sebagai pengajar bahasa Indonesia di STKIP PGRI Sumenep.

Puisi-puisinya pernah terbit dalam antologi puisi bersama “ Nyelbi’ E Nemor Kara” (Ghot, 97), dan yang siap cetak, yaitu Kumpulan puisi “Rarengganna Tana Kerreng”. “Ngantos Asta’annepon Jeng Ebu”, kumpulan cerita “Bato  Ko’ong”, dan roman sejarah Adipati Arya Wiraraja “Lalampannepon Dhari Singosari ka Songennep”. “Kami harap ada  pihak yang membantu menerbitkannya”, ujar  pak Djamali.

Sedang puisinya  yang berbahasa Indonesia sempat menghiasi antologi puisi “Cermin-Cermin” (Sanggar Tirta, 95), dan  “Mardika” (Forum Bias-RRI, 95).

BABBAR MANDHIRA

Dha’ Kacong Cebbing se Mangkada

Ja’ aggi’ sedha badhi mangkada

Dinggallagi aba’ alero’ e lencak

Arapa me’ kodu mangkat ?

Arentenga “kalong mosteka” ?

Arengrenga “kejung pornama” ?

Mangkat cong ! Mangkat bing !

Jarumattagi jagat

Rantep temor bara’

Tandhengngagi angen barat

Badhi sasemba’an dha’ jeng Ebu

Aba’ pessen tandha tresna

Pangonong ja’ duli dhuccol

Kerrap raja gi’ ngolkol

Sronen thokthok gi’ padha ngarak

Se nenggu gi’ ngremmet padha asorak

Horeeeee…….. horeeeee ………..

Se Kelap gabay gul-agul

Se Guntor gabay panambu

Se Meyang nonggul bunto’

Horeeeee …….  Horeeeee ……….

Se Jagir mleyot ka penggir

Kerrap raja gi’ ngamba’

Sronen yhokthok gi’ earak

Se nenggu gi’ aorak

Mangkat, babbar mandira

Du’ana emma’ gi’ ra-dhara

1990

BARAT

Barat kaballu namoy ka bume

Abatbat

Kabbi edhardhar daddi dhedhar

Kabbi eterrak daddi kerrak

Ongel se nyosop, locot

Cambur daddi babur

Se sokkla, serna

Se teron katon

Aba’ ta’; mongkat nadhung

Barat kaballu se asabung

Dhu aba’ !

Terrona agutonga lencak se reyot

Se taselpet e padduna dhapor

Eajuma neng mandhapa

Eajuma neng e roma

Aba’ ta’ mongkat nadhung

Barat kaballu se asabung

Dhu jagat

Terrona agutonga karena iman

Se nyaleke’ e gumbingnga dhadha

Ecangkengnga dhalem sokma

Ecangkengnga dhalem sossa

Ecangkengnga dhalem tresna

1991

SERRAT DHA’ JENG RAMA

Rama ,

pottra anyakse’e , ja’,

jeng rama ampon atareka, kabukten

Songennep  so’ mekkar

manabi amarga

sumekar daddi langgadan

Arenggane para santana se ngamoddhi

ekembari  samaramba para magar sare

rampak padha mapaka narekana Songennep sumekar

Kaoladan

sabingkerra  kottha atabun kembang

manca barna, mera, biru, koneng, kalak,

acokkla’ glidhigan labang gappora,

saantaro batessa disa

Kaoladan,

lo-polona se nyarcar arenteng  are moncar

aga’lir olle-ollang  dhari settong ka settongnga,

nyambugel ngamba’ angen mapak omba’

padha akoba’ ngloskose beddhi e gir serengnga

Kaoladan ,

Pajuddhan se mesem e cellana ondhem

talangan Girpapas ngampar gumo’na ngapote-pote

Pagerrungan akocak ngarennyemma  mennya’

Kangeyan apangka’ jate ban fosfat

Kaoladan

Salopeng Lombang ngangka’ pamor

Astatenggi  Labang mesem salonodan

mamajir anondhan ngonjang pakon

sandhur juwak noro’ pato atengka’ lere.

Rama,

Songennep so’ mekkar,

nangeng  …

aba’ rempek gan sasowet elanyo’ aros

ta’ kober arenggane mas enten kalong barleyan

dina badda’ maggun agincu dubbang

Rama …….., oladi Rama  ………

.

1992

TOBAT

Aba’ faker, tekkor arta, tekkor teta,

Nangeng pekker gasek ngoker,

Pejer kadharuy ka barang baruy

Peyol kene’, eli-bali terros agili

Blumbang alet saomor-omor sajan apamor

Dhalem kobengnga kama’ seyadan

Dhu Guste,

Pamerte sonarra ate.

Paenga’agi’ ja’ aba’ gi’ andhi’ aba’

1992

PECCOT

Tharrr … tharrr … tharrr … monyena peccot

Asasendhin e bang-abang

Se Lajing Kombang adherres nangtang

Ngocer apara’ bar-galabar koneng

Se laen ceccer

Le’ Lerap atangdang meltas penjung

Tharrr …tharrr … tharrr ….  Monyena peccot

Mederri gunong Pajuddhan

Si Mega Remmeng abu’ul bume nangtang

Dhempo Abang asor tapengsor etase’ tombet

Jeng Pottra  meddet e sessellanna sokma

Tharrr … tharrr … tharrr … monyena peccot

Nyambugel e bai’ dhalem

Aba’ tatedhung, ale’ tatedhung

Kabbi tatedhung ekellone mempe

Setan Pote setan Celleng kaelangan le’er

Epeltas ka patandhan kamar petteng

Thar,

Peccodda potong

Komandinna elang

Thar.

10111997.

NGANTOS

dhar dher dhor agubek jagat

kaka’ mangkat asango tresna tor tekat

kemmes manes janji abali

erengrengnge nyrassa’ana bulan pornama

matabar le-olle salempang mera pote

pangkat opsir e bau kangan kacer

dhar dher dhor abit se lebbar

paras pacar senom the’-athe’

karena mantan anyar gi’ karabat

ngantor janji kemmes manes

se arengrengnge nyrassa’na bulan pornama

ale’ lako ngamba’ rarampadan malathe tompang

ame’-ame’ kaka’ kerrong

se eantos ta’ kadhik ngombar

ta’ papessen ta’ pakabar

me’ kenneng daddi panglepor

pajina tresna se la nyosop e sokma

dhar dher dhor gante nang nenong nong

se eantos ta’ kadhik ngombar

sumenep, 30081997

********************

Judul dibawah, juga berhubungan